Со тешки телесни повреди завршил 75-годишник, откако на паркинг простор во него удрило возило управувано од 75-годишен возач. Настанот се случил во непосредна близина на Градскиот пазар, каде вчера беше пазарен ден.
-На 02.12.2022 околу 14.00 часот во СВР Штип било пријавено дека на паркинг просторот на ул.„Сутјеска” во Штип, патничко возило „фолксваген голф” со штипски регистарски ознаки, управувано од В.С.(75) од Штип, удрило во пешакот К.М.(75) од Штип. Во несреќата со тешки телесни повреди се здобил К.М., констатирани во Клиничка болница Штип, соопшти СВР Штип.
Петок во Штип е пазарен ден, кога многу граѓани доаѓаат да набават основно земјоделски продукти. Просторот каде се случил настанот е многу фреквентен, а улицата е преполна со луѓе, возила, а последните месеци и простор за паркирање на камиони и други возила каде се продаваат зелка, праз и други сезонски производи. Пензионерите се чести купувачи, кои до пазарот доаѓаат и со своите возила.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)