Од вчера се објавени новите конкурси за Фестивалот на песни за деца „Весело Штурче“ во Штип, кои ќе траат до 1-ви март.
- Првиот конкурс кој е за автори, ги повикуваме сите автори коишто се автори за музика, текст и аражман да ги пријават своите композиции. Правилата на конкурсите како и секоја година, така и оваа година се исти – композициите да не траат повеќе од три минути, композицијата да не е објавувана на друг фестивал и да е исклучиво авторско дело. На Конкурсот за изведувачи право на учество имаат дечиња од шест до 12-годишна возраст, само се пријавуваат за аудиција, изјави Филип Стевановски, директор на фестивалот.
Стевановски истакна дека сите потребни информации за пријавување ги има на веб страницата на фестивалот – veselosturce.mk, каде детално ќе можат да се информираат заинтересираните.
Новина годинава на Фестивалот „Весело Штурче“ е што ќе имаат и хор, кој ќе функционира како самостоен хор и ќе има свои песни и преработки.
