Ѕвездата од „Топ ган“, Том Круз му оддаде почит на неговиот „човек за поддршка“ од филмот, Вал Килмер на настанот „Синема-кон“ (CinemaCon) вчера.
Американската акциона ѕвезда на настанот во Лас Вегас го промовираше новиот филм „Невозможна мисија: Финална одмазда“ (Mission: Impossible – The Final Reckoning), но кога излезе на сцената, неговиот колега и пријател од пред 40-на години му беа на ум. Тој повика на минута молчење за легенарниот „Ајсмен“.
– Би сакал да му оддадам почит на еден мој драг пријател, Вал Килмер. Немам зборови да ви кажам колку му се восхитувам на неговата работа, колку бев благодарен и почестен кога тој се ни приклучи во „Топ ган“ и се врати подоцна за „Топ ган: Маверик“… Килмер ги сакаше филмовите и ни даде многу на сите со своите изведби, рече Круз.
Круз заврши со заблагодарување кон починатиот пријател, велејќи: Ти посакувам сѐ најдобро на претстојново патување.
Вал Килмер почина на 1 април, од пневмонија, на 65-годишна возраст, потврди неговата ќерка Мерцедес Килмер. На глумецот му беше дијагностициран рак на грлото во 2014 година, поради што делумно ги изгуби гласот и говорот потоа.
Последната (епизодна) улога му беше токму во вториот дел од „Топ ган“. Џери Брукхајмер, кој ги продуцираше двата филма од 1986. и 2022 година, за „Холивуд репортер“ (Hollywood Reporter) изјави дека Круз инсистирал Килмер да ја повтори својата улога.
– Тој рече: „Не го снимам овој филм без Вал“! Круз е движечката сила во остварувањето на тој повторен собир. Сите го сакавме (Вал), но Том беше навистина категоричен дека ако сака да треба да направат „Топ ган 2“, Вал мора да биде во него, изјави продуцентот.
Ќерката на Килмер, Мерцедес, која го продуцираше документарниот филм „Вал“ од 2021 година, рече дека отишла на снимањето на таа сцена само за да биде сведок на тој повторен собир.
