Чорапи, хулахопки, мечиња, топки, ручеци, вечери, изнајмување на станови, шетање на пријателки, па и авионски карти кои не се користени… За сето ова и за многу други работи Бисера Антоанета трошела народни пари без воопшто да не ѝ гајле дали ја претставува државата. Вака реагираа претпладнево од ВМРО-ДПМНЕ, обвинувајќи ја екс министерката за култура дека приоритет ѝ била грижата за личниот џеб.
Бисера Антоанета никако не сопирала со нејзината алчност и непромисленост. Бисера Антоанета одела дотаму што ангажирала владин авион за пат до Црна Гора поточно во Цетиње, наведуваат од партијата во денешното соопштение поврзано со трошењата на поранешната министерка Бисера Костадиновска Стојчевска.
Бисера Антоанета многу чудно, но очигледно тактизирала со 12-те дена пред настанот кога бил стигнат дописот за истиот. Па така правејќи се дека не знае издејствувала авион за два дена за да патува до Цетиње, Црна Гора. Бисера Антоанета за таа цел платила 102.347 илјади денари или околу 1700 евра кон владината Служба за општи и заеднички работи.
Инаку поканата во кабинетот на Бисера Антоанета стигнала 2 декември 2022 година, а таа реагирала по 12 дена. Зошто само таа знае, но јасно се надзира зошто е тоа така. Но, јасно е и дека таа можела да замине со службено возило што е многу поевтино.
Бисера Антоанета треба да одговори на многу прашања, за хулахопките, мечињата, неискористените авионски карти, како и за ова патување на толку кратка релација.
Бисера Антоанета е само еден од многуте случаи од СДС. Со детали за расипничкото однесување продолжуваме и денес, најавија од владеачката партија.
