Софија Лорен, која наполни 89 години пред само неколку дена, на 20 септември, според италијанскиот весник „Кориере“, се лизнала во бањата и паднала во својот дом во Женева.
Извор близок до весникот наведува дека славната актерка веднаш била однесена во болница на преглед и констатирана фрактура на бутната коска. Поради тешка повреда мораше да биде оперирана – „Софија попладнето е оперирана со позитивен исход, сега ја чека рехабилитација“. Пред повредата, а потоа и операцијата, италијанската дива се подготвувала за патувањето и отворањето на четвртиот ресторан кој го носи нејзиното име во Италија.
Софија Лорен можеби е во доцните осумдесетти години, но вели дека се чувствува со децении помлада. За време на промоцијата на филмот “The Life Ahead”, кој дебитираше на Нетфликс пред три години, актерката изјави дека се чувствува како да има дваесетина години.
„Ако сте здрави и правите нешто во што уживате, не можете да размислувате – „Боже, утре ќе умрам“. Зошто некој би го променил своето тело за да личи на некој друг, ако е навистина среќен. Никогаш не сум размислувала за тоа. Го сакам тоа што го сакам. Се сакам себеси“, изјави Лорен.