Покрената е петиција за укинување на стручното евровизиско жири, а последната капка беше саботната победа на шведската претставничка Лорин, на која жирито и додели 340 поени, од кои максималниот број поени го доби од дури петнаесет земји.
Петиција за откажување на стручното жири на „Евровизија“ гласи:
-Изборот за песна на Евровизија е годишна прослава на музиката што го отелотворува духот на единството и поврзувањето низ Европа. Овој настан е изграден врз премисата на фер и непристрасна конкуренција. Сепак, долги години постоеше загриженост за улогата на гласовите на жирито, кои повремено значително се разликуваа од гласовите на јавноста. Дополнително, загрижувачко е и перципираното пристрасно гласање кон одредени земји.
За да се задржи интегритетот на „Евровизија“ и да се обезбеди нејзината иднина, предлагаме преиспитување на процесот на гласање. Сметаме дека во интерес на самиот фестивал и неговите учесници е сите жирија да бидат отстранети од процесот на гласање. Овој пристап ја зајакнува јавноста, дозволувајќи им нивниот колективен глас да биде единствената детерминанта на исходот на натпреварот:
Придружете ни се во нашата мисија да обезбедиме Евровизија да остане фер и избалансиран настан за сите натпреварувачи. Ви благодариме за посветеноста на духот на овој уникатен и негуван настан, се вели во петицијата.
Причината за оваа петиција е победата на Лорин, за сметка на претставникот на Финска. Лорин ја однесе победата на жирито, додека финскиот претставник беше миленик на публиката. Но, на крајот, собраните гласови од жирито и публиката ја донесоа победата на Шведска, што предизвика револт на јавноста. .
