– ММС
Вести Свет

Мароканска новинарка осудена за абортус којшто не го направила

Фото: Youssef Boudlal/Reuters

Мароканската новинарка, Хаџар Раисуни е осудена на една година затвор под обвинение дека имала нелегален абортус и предбрачен секс. Нејзиниот свршеник, професор Рифат ал-Амин доби едногодишна затворска казна за наводна соучесништво. Д-р Мохамед Џамал Белкезиз пак, обвинет е за изведување абортус и осуден е на две години затвор, објави „Гардијан“.

Во писмо, испратено од затвор, новинарката тврди дека обвиненијата се измислени.

Обвинетите тврдат дека абортусот никогаш не се случил и дека Раисуни била мета на мароканските власти за нејзиниот извештај за немирите на северот на земјата, за што и добила награда. Адвокатот на Раисуни, Мухамед Садку пресудата ја нарече „регресивна“.  Според него, одлуката на судијата значи дека тврдењата на мароканската држава за почитување на меѓународните конвенции што гарантираат права и слободи се „лаги кои немаат никаква врска со реалноста“.

Новинарката и нејзиниот свршеник беа уапсени пред клиника во Рабат на 31 август. По сослушувањето таа била принудена да и биде извршен гинеколошки преглед. Нејзиниот адвокат подоцна до судот достави лекарски наод дека таа никогаш не направила абортус.

По апсењето на новинарката, активстите во Мароко организираа протести држејќи постери со нејзини фотографии.

Лограње

X

Регистрација