ММС
Банер за Супер7

Објавено на: 08/31/19 8:33 AM

Мечка секој ден посетува старица кај Сански Мост

Милка Милинковиќ (70), која живее во подгрмечкото место Грдановци на дваесетина километри од Сански Мост (Босна и Херцеговина) живее во страв од мечка која се симнува од блиските шуми и секој ден ја посетува.

„Секој ден го слушам кучето како лае без престан по мечката која доаѓа во бавчата покрај куќата. Крши гранки и бере јаболки. Кучето лае по неа, а таа не го ферма. Се заклучувам во куќата додека не замине“, вели Милка за „Независне“.

Првиот нејзин сосед живее неколку километри подалеку, а таа, откако и’ починал сопругот, 12 години е сама. Имала син што живее во Србија.

„Сум слушла и од други дека ги посетуваат мечки, но не верував. Сега се уверив. Сигурно е гладна, па се гости со моите јаболка“, раскажува Милка.

Завчера ја посети ловочуварот Изет Алагиќ. И’ донесе петарди за да ја плаши мечката.

„Оваа година не беше многу родна, Потфрлија овошјето и другите шумски плодови, па животните се гладни. Се спуштаат во вака ретко населени места. Таквите посети веројатно ќе бидат се’ почести“, вели Алагиќ.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1