ММС
Банер за Супер7

Објавено на: 08/30/19 12:50 PM

Конзулов: Пожарот кај Радовиш се очекува до утре да биде ставен под контрола

Запрено е проширувањето на пожарот од планината Готен кон Струмичко, кој гори повеќе од десетина дена меѓу селата Покрајчево и Злеово во општина Радовиш, а во текот на утрешниот ден се очекува да биде ставен под контрола, информира градоначалникот на Радовиш, Герасим Конзулов.

Во гаснењето на пожарот се ангажирани два хеликоптери на Армијата, а учествуваат и 120 пожарникари од Радовиш, Струмица, Берово, Валандово и Штип.

-Пожарот е голем, а гаснењето оди тешко заради непристапниот терен. Во заедничка и координирана акција со Дирекцијата за заштита и спасување се надевам дека утре пожарот ќе биде ставен под контрола, рече градоначалникот Конзулов.

Досега во пожарот изгореа околу 200 хектари нискостеблеста шума.

МИА


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1