ММС
Банер за Супер7

Објавено на: 08/28/19 7:45 PM

Пожар во Општина Чашка, гори багремова шума

Шумски пожар избувна денеска околу 13 часот во близина на селото Ораовец, во Општина Чашка. Како што изјави за Медиумската информативна агенција, командирот на Територијалната противпожарна единица од Велес Љупчо Лепидовски, огнената стихија зафатила површина од над 60 хектари. Гори багремова шума, нискостеблести растенија и трева. Пожарот оди високо по крошните на дрвјата.

„Во гаснењето на пожарот учествуваат 40 луѓе од противпожарните бригади на Велес и Чашка, вработени во ШС Бабуна и ЈКП Дервен од Велес и Чашка со две цистерни и луѓе. Претходно во гасењето на пожарот беа вклучени и хеликоптери од Армијата, но поради слабата видливост во текот на ноќта, тие се повлекоа“,  изјави за МИА Лепидовски. Тој информира дека во моментов во опасност е една викендица што се наоѓа на почетокот, пред селото Ораовец. Додаде дека тие се на терен и ја штитат викендицата.

Во гаснењето на пожарот се вклучени месното население и доброволци од Велес.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1