ММС
Банер за Супер7

Објавено на: 08/28/19 2:17 PM

Бектеши: Со модернизција во рударскиот сектор до поттикнување на локалниот економски развој

Во јуни годинава рударството бележи пораст од 5,2%, споредено со истиот месец минатата година. Овој важен стопански сектор и придружните сектори кои го опслужуваат бројат над 10.000 вработени, а во вкупното индустриско производство секторот Рударство и вадењето на камен учествува со 8,3% – порача денеска министерот за екномија, Крешник Бектеши, при посетата на рудникот за олово и цинк САСА од Македонска Каменица.

Според него, натамошниот развој во овој сектор е единствено можен со континуирани вложувања во модернизација со што ќе се обезбеди заштита на животната средина и ќе го поттикне локалниот економски развој.

Во посета на рудникот САСА заедно со Бектеши беше и министерката за труд и социјална политика, Мила Царовска која се осврна на измените на Законот за пензиско и инвалидско осигурување, со кои рударите од почетокот на оваа година добија намалување на старосната граница за пензионирање:

„Наместо  на 58 години возраст, со законските измени тие во старосна пензија заминуваат на 50 години, односно со 40 години стаж за мажи и 35 години стаж за жени. Од почетокот на годината до сега по новиот закон во пензија заминаа 51 рудар од кои 43 се од САСА”.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1