– ММС
Вести Свет

Норвешка регистрира радиоактивно зрачење на својата граница со Русија

Норвешкото тело за нуклеарна безбедност регистрира мали количини на радиоактивен јод во воздухот во Северна Норвешка, неколку дена по експлозијата за време на тестот со ракетни мотори во Русија, пренесува Ројтерс.

Норвешката ДСА изјави дека открила радиоактивен јод на нејзината воздушна филтерска станица во Сванховд, која е во близина на руската граница . Во овој момент, една река ги дели двете страни.

Примероците се собрани меѓу 9 и 12 август , додека инцидентот во регионот Архангелск во северна Русија се случи на 8 август.

„Во моментов не е можно да се утврди дали е поврзано со несреќата воАрхангелск минатата недела. ДСА продолжува да зема почести  мостри и анализи “, додаде службата.

Ваквите мерења на зрачење не се невообичаени во Норвешка , бидејќи нејзините станици за набљудување откриваат радиоактивен јод околу шест до осум пати годишно, а изворот обично не е познат .

Руската државна метеоролошка служба во вторникот објави дека нивото на радијација во градот Северодвинск се искачи на 16 пати повеќе од минатиот четврток додека медицинските лица кои лекуваат жртви од несреќата беа испратени во Москва на лекарски преглед.

Лограње

X

Регистрација