ММС
Банер за Супер7

Објавено на: 07/4/19 9:58 AM

Набавени две возила за прифатилиштата за бездомни животни во Југоисточниот регион

Набавени се две возила за прифатилишта за бездомни животни во Југоисточниот плански  регион во Струмица и Валандово.

Возилата на претседателот на Советот на градоначалници на регионот, Коста Јаневски, му ги предаде Жулиета Ѓуркова, раководителка на Центарот за развој на Југоисточниот плански регион.

– Возилата засега се во сопственост на Центарот, а на следната седница на Советот на Југоисточниот плански регион со одлука ќе бидат дадени на трајно користење и одржување на општините Струмица и Валандово, каде што ќе се наоѓаат прифатилиштата. Главна цел на проектот е подобрувањето на безбедноста на граѓаните во Југоисточниот плански регион преку заштита и згрижување на бездомните животни во регионот, изјави Ѓуркоа.

Таа додаде дека во меѓувреме се работи на подготовка на студија за одржливо управување со двете прифатилишта и благосостојба на бездомните животни во Југоисточниот регион, која ќе послужи за утврдување на соодветен модел за одржливото понатамошно управување со прифатилиштата.

– Изградбата на прифатилиштето во Валандово е во почетна фаза, додека пак прифатилиштето во Струмица е целосно изградено и во моментот се работи на поврзувањето на водоводната и канализациска мрежа. Кон крајот на август, најдоцна почетокот на септември треба да пристигне комплетниот мебел и опрема, по што истиот веднаш би можел да биде ставен во функција, инфомираше Ѓуркова.

Инаку, проектот е финансиран од Министерството за локална самоуправа – Биро за регионален развој, а  во прифатилиштата изградени преку овој проект ќе се згрижуваат кучињата од целиот регион.


Доколку преземете содржина од оваа страница, во целост сте се согласиле со Услови за преземање.

Банер за Супер7