ММС
Банер за Супер7

Објавено на: 05/26/19 8:00 AM

„Ден на младоста – ден на радоста“ во Кумровец: Досега најмасовно – 15.000 луѓе на Титовиот роденден (ФОТОГАЛЕРИЈА)

На одбележувањето на „Денот на младота – ден на радоста“ и на роденденот на Јосип Броз Тито, што по петнаесетти пат се одржа во неговиот роден Кумровец, Хрватско Загорје, вчера се собраа рекордни 15.000 луѓе, а во претходните години биле по околу 10.000, пишуваат хрватските медиуми, кои од собирот во Кумровец објавуваат и многу фотографии.

Ги имаше од сите краишта на Хрватска, но и од некогашните југословенски републики, а најмногу од Словенија и од Босна и Херцеговина. Како и во претходните години, на собирот беше забрането носење на знамето на Југославија и на ознаки на ЈНА, а сите останати симболи од времето на СФРЈ, вклучувајќи ја и хрватската тробојка со петокрака, слободно можеа да се истакнуваат. Сепак, имаше посетители што го носеа и знамето на СФРЈ, а полицијата мирно ги набљудуваше, пишува загрепски „Јутарњи лист“.

Организаторите од хрватското здружение „Јосип Броз Тито“ посебно го поздравија присуството на некогашниот хрватски претседател Стипе Месиќ.

Вчера 25 мај, Титовиот роденден и некогашниот Ден на младоста, беше одбележан и на повеќе други места низ некогашна СФРЈ, како и на гробот на некогашниот југословенски претседател во „Куќата на цвеќето“ во Белград, која од смртта на Тито во 1980 година, досега ја посетиле околу 17 милиони луѓе.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1