– ММС
Спорт Фудбал

Санкции од ФИФА за Кардиф ако не ја исплати првата рата за трансферот на Сала

Светската фудбалска федерација (ФИФА) може да воведе санкции за Кардиф ако клубот не го запази рокот за првата рата за трансферот на Емилијано Сала. Кардиф до крајот на следната недела треба да му плати пет милиони евра на Нант.

Претходно, од велшкиот клуб објавија дека ќе ги чекаат резултатите од официјалната истрага, која ќе ги открие околностите на исчезнувањето на 28-годишниот Аргентинец, чиј приватен авион исчезна од радарските екрани над Ла Манш вечерта на 21 јануари. Сала, чиј трансфер е проценет на 20 милиони евра, не одигра ниту еден натпревар за Кардиф.

Британските служби објавија дека телото извлечено од авионот урнат на дното на Англискиот канал со кој Сала полета во Кардиф му припаѓа на фудбалерот.

Фудбалскиот свет почна да се простува од прерано починатиот фудбалер веднаш по соопштувањето на веста.

Лограње

X

Регистрација