Џорџ и Амал Клуни речиси доживеале катастрофа минатата недела кога пожар се заканил да го уништи нивниот луксузен замок од 8 милиони фунти во Прованса.
Според весникот „Вар Матин“, пожарот избувнал во петок, 11 јули, во близина на нивниот огромен имот, сместен во тишината на руралниот Брињол, додека Клуни престојувале со своите деца.
Дваесет пожарникари, со поддршка на два хеликоптери, пет противпожарни возила и два командни џипа, веднаш пристигнале на местото на настанот за да го стават пожарот под контрола. За среќа, пожарот останал заробен во соларниот парк управуван од компанијата „Волталија“, па не се проширил кон имотот на познатата двојка.
Луксузната вила стана нивно омилено прибежиште од 2021 година, каде што поминуваат време со близначките Ела и Александра.
Пространиот имот од 425 хектари вклучува лозје, базен со олимписки димензии, тениски терени, куќа за гости и огромни градини за нивните деца да си играат. Вилата од 18 век зрачи со шармот на француска куќа на село, со повеќе спални соби, бањи и елегантни дневни соби, плус раскошна кујна и трпезарија идеални за семејни собири.
Како што призна Џорџ за „Њујорк тајмс“, враќањето во мирниот живот на село го потсетува на неговото детство во Кентаки, кога едвај чекал да избега од фармата, а сега токму таков живот – возење трактор и работа низ куќата – станал најубавиот дел од секојдневниот живот, пренесува еспресо.рс.
