По хаваријата во Крива Река, инспекторите влегуваат во сите рудници во вонреден надзор. Ова во емисијата „Стадион“ на Канал 77 го најави Ивана Гиновска, која одговори на прозивките за задоцнетата реакција во случајот со Крива Река. Од градоначалникот на Крива Паланка, Сашко Митовски, беше прашана зошто се чекаше 20 дена Инспекторатот и институциите да информираат.
-Зошто на самиот ден не се земени мостри за анализи од ДИЖС, туку е наложено на правното лице „Булмак 2016“ да ги изврши сите лабораториски испитувања, кои кај мене и кај јавноста отвора голема дилема, затоа што сме збунети, рече Митовски.
Гиновска објасни дека инцидентот се случил непосредно пред трагедијата во Кочани и во денови на траор, тоа не сакала да излегува со прес конференција. Инспектор веднаш излегол на терен и бил во координација со општинскиот еколошки инспектор. Сепак, мостри истиот ден не се земени од страна на државниот инспектор.
„Точно е дека не е земано примерок за анализа, но, доколку има пропуст, ќе бидат санкционирани. Инспекторот кој беше на терен кажа дека очигледно е дека има еколошки инцидент – гледаме дека има, беше одговорот од инспекторите. Како мислите дека може да го штитам рудникот , кога им е изречена најголемата казна која е 180.000 – 200.000 евра е за правно лице. Додека нема да ја избистриме водата, нема да се тргнам од таму, рече Гиновска.
Нејзината јавно искажана реација беше повторена и во „Стадион“. Гиновска смета дека Митовски непотребно создал паника во јавноста со информацијата за големи колчини на цијанид во водата, што не не го потврдија анализите. Основното јавно обвинителство од Куманово веќе оформи предмет и од ДИЖС веќе побарал и му биле доставени документи за постапувањето.
