Министерството за надворешни работи и надворешна трговија, преку Амбасадата на Република Северна Македонија во Варшава, е во редовна комуникација со семејството на починатиот пациент Александар Карадакоски, како и со надлежните институции во Литванија.
-Од страна на Амбасадата се преземаат сите неопходни активности за завршување на конзуларните постапки и за организација на транспортот на телото на починатиот македонски државјанин назад во земјата. Министерството за надворешни работи и Амбасадата во Варшава стојат на располагање за комуникација и асистенција, и се во постојана и непосредна комуникација со надлежните органи на Литванија. Кризниот штаб при Министерството е во редовна координација со сите надлежни институции, а јавноста ќе биде навремено информирана за сите понатамошни новини, информираат од МНР.
