СДСМ го обвини градоначалникот Иван Јорданов дека ветил изградба на детска градинка во населба Пребег, која никогаш не се изгради:
- Лажните ветувања на градоначалникот ги изневерија жителите на Пребег и Железничка. Жителите се чувствуваат измамени и разочарани од празните ветувања на градоначалникот Јорданов, кој пред изборите гордо вети изградба на детска градинка помеѓу овие две населби. Денес наместо место каде нашите деца ќе растат и учат, гледаме само празен простор. Не е чесно да се лажат граѓаните, особено кога станува збор за иднината на нашите најмали. За разлика од сегашната власт, во време кога СДСМ беше на власт, во населба Сењак беше изградена нова детска градинка од темел. Проект што покажа дека со волја и работа можат да се постигнат резултати. Има разлика и не се сите исти. Додека едни градат, други само ветуваат и забораваат. Бараме од градоначалникот да престане со празните зборови и да даде конкретен одговор кога ќе почне изградбата на ветената градинка во населба Пребег? Граѓаните очекуваат исполнување на предизборните ветувања, а не маипулации, вели Павел Иванов, претседател на ОО СДСМ Штип.
