Агенцијата за патна инфраструктура на Бугарија (АПИ) е само 10 отсто виновна за трагичната несреќа на автопатот Струма, во која загинаа 45 лица од Македонија, пресуди Окружниот суд во Перник, Бугарија, пренесе агенцијата БГНЕС.
Според судот, АПИ е делумна виновна и е одговорна за 10% од штетите. Со оваа одлука, секој од барателите од бугарската Агенција за патна инфраструктура ќе добие по 10.000 евра како надомест за неимотни штети.
Пресудата на судот во Перник се базира на околностите дека за пробната делница на автопатот Струма не е донесен акт 16 за автопат и затоа има статус на експресен пат, а делницата е пуштена за сообраќај во 2007 година.
Во судската одлука се вели:
„Меѓутоа, геометриските карактеристики при проектирањето на таков пат не беа почитувани – проектираниот попречен наклон на кривината одговара на брзина од 90 километри на час, но не е поставен патен знак Б26/90 километри, на потребните места за ограничување на брзината да држи возило со тежина и димензии на автобусот. Во случајот со вторите две заштитни огради, да беа со потребната еластичност, немаше да се скинат и едната немаше да ја блокира вратата каде што беа собрани сите“, се додаваа во Решението од судот, каде се наведува и дека возачот го возел автобусот со 106 km/h со максимална дозволена брзина на делницата од 120 km/h.
Несреќата на АМ „Струма“ се случи околу 2 часот по полноќ. на 23.11.2021 година на 31 километар кај село Бошнек кај Струма. Туристичкиот автобус, во кој патуваа 52 лица, прво удрил во заштитната ограда, потоа се запалил и целосно изгорел. Возилото во Бугарија влегло од Турција. Малку по полноќ автобусот застанал на бензинска пумпа во близина на Софија, по што продолжил. По околу еден час, возилото регистрирано во Скопје излетало од патот.
Во несреќата загинаа 45 лица, седум преживеаја. Жртвите се македонски државјани. Меѓу загинатите имаше и 12 деца.
Судот во Скопје во март лани го осуди Беким Хаџиу, кој е сопственик на фирмата на автобусот, „Беса транс“. Досудена му е парична казна од 13 илјади евра и нема да може да превезува патници во наредните четири години, како и 20 месеци затвор. Апелациониот суд на 12 декември 2024 година ја укина првостепената пресуда за Хаџиу и случајот е вратен на повторно судење за фалсификувањето на сообраќајната дозвола. Обвинителството тврди дека автобусот користел општа дозвола наместо специјална, додека одбраната негира дека имало фалсификување. Надлежното министерство во Скопје нема издадено дозвола за меѓународен превоз
Во Македонија случајот се води само за активностите на компанијата, а за причините за несреќата случајот го водат бугарските власти кои утврдиле дека вина е возачот.
Извор: Бгнес; фотографија: МИА
