Мери Леа Трамп, внука на Доналд Трамп, објави порака на Х (поранешен Твитер) која предизвика бура на социјалните мрежи.
Пораката дојде откако старо/новиот американски претседател Доналд Трамп победи во три клучни држави неколку часа по затворањето на гласачките места, пренесува Б92.
“Многу ми е жал. Очекував повеќе од нас”, напишала Мери, која подолго време јавно го критикува својот чичко.
Таа претходно го нарече „е*ен предавник“, а причината за таа неласкава титула беше комплиментот на Трамп до рускиот претседател Владимир Путин по ослободувањето на неколку американски затвореници од Русија.
Таа, исто така, го нарече „стар расист“ кога Трамп еднаш се спореди себеси со Мартин Лутер Кинг помладиот.
I am so deeply sorry. I thought better of us.
— Mary L Trump (@MaryLTrump) November 6, 2024Мери е клинички психолог и писател. Нејзината книга за Трамп и неговото семејство од 2020 година, „Премногу и никогаш доволно: Како моето семејство го создаде најопасниот човек на светот“, продадена е во речиси милион примероци на првиот ден од објавувањето.
Потоа објави уште две книги: „The Reckoning” (2021) и „Who Could Ever Love You“ (2024).
Во септември 2020 година, Мери ги тужеше Доналд и тетка Маријан, тврдејќи дека ја измамиле од десетици милиони долари од нејзиниот удел во недвижниот имот на дедото Фред Трамп. Тужбата беше отфрлена во ноември 2022 година.
Доналд ја тужеше Мери во 2021 година, бидејќи таа му достави на Њујорк Тајмс документи што тој ги користеше како извор за разоткривање за неговото богатство и семејните финансии.
Мери Трамп (57) е ќерка на Фред Трамп Јуниор, постариот брат на претседателот, кој почина во 1981 година на 42-годишна возраст поради срцев удар поврзан со зависност од алкохол.
Во интервју за Вашингтон пост во 2019 година, Трамп рече дека жали што го турнал својот брат во семејниот бизнис со недвижнини додека сакал да стане пилот.
Мери Трамп главно ја избегнуваше јавноста откако нејзиниот чичко стана претседател, иако во минатото го критикуваше, според Би-Би-Си, злата крвта меѓу нив оди најмалку 20 години наназад, се до тужбата што таа и нејзиниот брат ја поднесоа против чичкото и неговите браќа и сестри.
