Без разлика на тоа колку навлаките ги штитат перниците, со текот на времето на нив се појавуваат жолти дамки. Наместо да ги фрлате пожолтените перници, можете едноставно да ги исперете користејќи неколку состојки кои веќе ги имате дома.
Неопходно е:
- 1 чаша прашок за садови (или мелени таблети)
- 1 чаша детергент за перење
- 1 чаша белило (натриум хипохлорит)
- 1/2 чаша боракс.
Постапка:
Проверете ја етикетата на перницата за да видите која е максималната безбедносна температура за перење. Потоа додадете ги состојките во машината. Вметнете ќебе или друга перница во машината, така што барабанот да биде избалансиран и изберете подолга програма за перење. По првото плакнење, повторете го плакнењето за да бидете сигурни дека сите хемикалии се измиени. Можете да ги оставите перниците да се исушат природно или да ги ставите на програмата за сушење во машината за сушење, што ќе го забрза процесот.
Перниците со пердуви мора да се сушат на воздух, додека синтетичките перници може да се сушат на ниски температури. Додавањето на неколку чисти тениски топчиња или топчиња за сушење волна ќе ги направи вашите перници помеки.
Се разбира, дамките и нечистотијата повторно ќе се појават со текот на времето. Експертите препорачуваат перење на перници на секои три месеци. Сепак, по некое време перницата ќе треба да се замени, пишува Рајдерс Дајгест.
