Три лица го загубија животот, а петмина се тешко повредени во сообраќајната несреќа која вчера попладне се случи пред тунелот кај Катланово, на автопатот Скопје – Велес.
Од МВР информираат дека несреќата се случила во 17:35 часот, патничко возило „форд транзит“ со скопски регистарски ознаки, управувано од О.Д.(32) од Велес, излетало од патот и се превртело.
-Од здобиените повреди на местото на несреќата починале сопатниците А.Н.(37), Ј.А.(47) и Д.Ц.(66), сите од Велес, а смрт констатирал лекар од итна медицинска помош. Додека, со тешки телесни повреди се здобил возачот О.Д. и сопатниците З.С.(59), В.З.(67), Н.Н.(33) и Б.П.(41), сите од Велес, констатирани во Градската општа болница „Св.Наум Охридски“ во Скопје и Комплексот клиники „Мајка Тереза“ во Скопје, ни рекоа од МВР и дополнија дека се уште немаат информации дали се точни информациите дека бројот на загинатите се искачил на петмина.
-Оваа информација е од увидот и во моментов немаме информација каква е состојбата на повредените. За тоа дополнително ќе информираме, велат од МВР
