Германското обвинителство обвини тројца мажи за обид за изнуда на семејството на седумкратниот светски шампион во Формула 1, Михаел Шумахер, пренесува ДПА.
Шумахер беше тешко повреден при инцидент за време на скијање на крајот на 2013 година и оттогаш се нема појавено во јавноста. Неговото семејство во тајност ги држи информациите за неговата здравствена состојба.
Поранешен службеник за безбедност на семејството е осомничен за направените снимки, додека друг маж и неговиот син се обвинети за соучество во криминалот, според обвинителството во германскиот град Вупертал.
Властите тврдат дека наводните сторители повеќепати му се јавувале на семејството на Шумахер со барање за изнуда на 15 милиони евра.
Се тврди дека тие се заканиле дека ќе објават лични податоци на интернет доколку парите не бидат исплатени.
Се известува дека материјалот што бил употребен за криминалот бил добиен од лице кое во минатото работело како обезбедување за семејството на Шумахер и исто така било задолжено за дигитализирање лични фотографии.
