Ако Мартин Стојановски од ВМРО-ДПМНЕ сака да биде од корист на скопјани, на следната седница нека гласа за програмите за работа на јавните претпријатија и нека ги заслужи 500 евра паушал кои ги добива секој месец од скопјани за да глуми икебана, се вели во реакција на Град Скопје испратена до медиумите попладнево.
„Перински да не се крие зад Стојановски по вчерашниот дебакл, а апелираме до Мицкоски уште еднаш да ги преиспита погрешните политики кои му ги нудат неговите соработници.
Градот Скопје останува отворен за искрено партнерство со Владата во корист на граѓаните на градот Скопје“, се вели во соопштението од Град Скопје.
