Турција го блокираше пристапот до платформата Инстаграм, соопшти денеска регулаторот за информатичка технологија, без да наведе колку ќе трае забраната.
Овој потег уследи по коментарите во средата на турскиот службеник за комуникации Фахретин Алтун, критикувајќи ја платформата за, како што ја нарече, нејзината одлука да ги блокира објавите за сочувство за убиството на Исмаил Ханије, лидер на палестинската милитантна група Хамас.
„Ова е цензура, чиста и едноставна“, рече Алтун на X, додавајќи дека Инстаграм не наведува никакви прекршувања на политиката за своите постапки.
Одлуката ја објави денеска Турската управа за информатички технологии и комуникации на својата веб-страница, а засега нема коментар од компанијата Мета, сопственик на Инстаграм.
