„Возбуденa сум што можам да споделам со моите обожаватели дека работам на таен проект со Марк Плат. Тој секогаш ги правеше моите омилени филмови… останете во тек“, објави на социјалните мрежи поп пејачката Бритни Спирс и на овој начин откри дека нејзините мемоари „The Woman In Me“ ќе бидат адаптирани во филм.
Universal Pictures ги доби правата за книгата на аукција помалку од една година откако се појави книгата.
„Жената во мене“ имаше огромен успех по објавувањето и продаде над 2,5 милиони примероци само во САД, надминувајќи еден милион примероци ширум светот во првата недела.
Книгата содржеше голем број значајни откритија во нејзината искрена дискусија за нејзината кариера, врски и лични искуства.
Една од најзначајните беше тоа што таа имала абортус додека се забавувала со Џастин Тимберлејк помеѓу 1998 и 2002 година, пишува NME.
