Телеметриската сеизмолошка мрежа на Македонија, на сеизмолошките станици инсталирани на целата територија, одржувани од Сеизмолошката опсерваторија при Природно-математичкиот факултет во Скопје регистрираше два земјотреси чии епицентри припаѓаат на епицентрално подрачје Делчево – Берово, 125 km југоисточно од Скопје.
Првиот земјотрес се случи во 18 часот и 28 минути и е со измерена Рихтерова локална магнитуда од 3.6 степени додека вториот во 18 часот и 30 минути е со локална Рихтерова магнитуда од 2.9 степени.
Според досегашните податоци со кои располага опсерваторијата, првиот земјотрес почувствуван е од населението во градовите Берово, Делчево и околината, со интензитет од III-IV степени според Европската макросеизмичка скала, додека вториот III степени според истата скала.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)