Германскиот комичар Себастијан Хоц, познат како „Ел Хоцо“, ја загуби работата како водител на радио-емисија поради ликувањето што го постираше на социјалната мрежа Х по атентатот врз поранешниот американски претседател Доналд Трамп.
Хоц напиша дека атентатот врз Трамп бил „како последен автобус, само што за жал е пропуштен“, а тоа многумина го протолкуваа како недовсмислена поддршка за атентатот, пренесува британски The Guardian.
Комичарот потоа напиша и дека „е апсолутно фантастично кога фашистите умираат“.
Неговите постови потоа беа избришани, но го разгневија сопственикот на Х, Илон Маск.
Многу корисници на интернет ги осудија коментарите на Хоц, а еден од потпретседателите на Бундестагот Волфганг Кубицки повика и на истрага против сатиричарот.
Хоц кој има повеќе од 700.000 следбеници на различни платформи на интернет, откако остана без работа, напиша „јас сум најбезобразниот човек кој во моментов е без работа“.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)