Губењето на салото од стомакот се смета за еден од најтешките предизвици кога станува збор за слабеење.
Комбинација од побавен метаболизам, стареење и не внимавање што и колку јадеме може да бидат причините за салото на стомакот. Иако има многу фактори кои се вклучени во развојот на маснотии на стомакот со текот на времето, постои еден вид на храна богата со маснотии што диететичарите велат дека треба да ја избегнуваме: транс мастите, пренесува вјести.ба.
„Транс мастите се вид на незаситени масти кои вештачки се создаваат преку процес наречен хидрогенизација, кој ги стврднува течните масла и го продолжува рокот на траење на прехранбените производи“, изјави за SheFinds диететичарката Мери Сабат.
Познато е дека потрошувачката на транс масти е поврзана со негативни здравствени ефекти и зголемени стомачни масти.
Сабат објаснува: „Докажано е дека транс мастите промовираат воспаление, го зголемуваат лошиот холестерол (ЛДЛ), го намалуваат добриот холестерол (ХДЛ) и ја намалуваат чувствителноста на инсулин. Овие ефекти можат да придонесат за зголемување на телесната тежина, особено во пределот на стомакот, и да го зголемат ризикот од разни здравствени состојби, како што се срцеви заболувања, дијабетес тип 2 и метаболички синдром.
Бидејќи транс мастите често се користат во повеќето производи што ги гледаме, тешко е да ги избегнеме освен ако не знаеме што има во храната што ја консумираме. Затоа, диететичарот откри во кои производи најчесто можеме да најдеме транс масти.
- Пржена храна
„Пржената храна како помфрит, пржено пилешко, крофни итн., често може да биде извор на транс масти“, вели Сабат. Овие масти често може да доведат до зголемување на телесната тежина и зголемување на абдоминалните маснотии, бидејќи транс мастите се познати како виновници за промовирање на складирање на маснотии во пределот на стомакот.
- Комерцијални пекарски производи
Иако колачите може да изгледаат како совршено задоволство во секое време, најдобро е да ги сведете на минимум ако сакаме да го избегнеме салото на стомакот.
„Некои комерцијални печива како колачи, торти, пити, мафини и слично може да содржат транс масти, особено ако се направени со делумно хидрогенизирани масла“, објаснува Сабат.
Комерцијалните печива можат да содржат прекумерни количини на додаден шеќер, да бидат високо преработени и да содржат транс масти.
- Пуканки од микробранова печка
Ниту една филмска вечер не е комплетна без пуканки, но прекумерното консумирање на овие грицки може да доведе и до дебелеење.
„Некои видови пуканки во микробранова печка содржат транс масти во форма на делумно хидрогенизирани масла, кои се користат за ароматизирање и конзервирање“, вели диететичарот.
Покрај транс мастите, повеќето пуканки од микробранова печка содржат вештачки вкусови и состојки, а сите тие придонесуваат за маснотии на стомакот.
