Министерката на финансии, Гордана Димитриеска Кочоска денеска на прес-конференција посветена на ребалансот, рече дека Буџетот е оштетен за повеќе од 32 милијарди денари.
Министерката очекува за констатираните состојби да реагира Основното јавно обвинителство.
Како што рече Димитриеска Кочоска, има многу доспеани обврски кои не се пријавувани.
-Можам да кажам дека има многу доспеани обврски и дека не се пријавувани. Понатаму надлежноста е на другите иституции. Јас ги кажувам констатираните состојби во Министерството за финансии, истакна Димитриеска Кочоска.
Таа претходно, соопштувајќи ја владината одлука за ребалансот на Буџетот, информираше дека за плати се обезбедени 4,1 милијарда денари, а за исплата на пензиите пет милијарди денари. Инфлацијата е предвидена на ниво од 3,5 отсто, а растот на нето платата за 13 проценти. Вкупните приходи во Буџетот се планирани на 318 милијарди 150 милиони денари што е за 8,22 милијарди зголемување, планирнао е и зголемување на даночните приходи од сопствени сметки, додека расходите се планирани на 362 милијарди 816 милиони денари што е зголемување од 19,178 милијарди денари.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)