Крајно неодговорна и бесчуствителна е денешната изјава на Мицкоски кој вели дека за ден-два ќе се ставеле пожарите под контрола. Ваквите паушални изјави покажуваат дека воопшто не е загрижен, ниту ја има состојбата под контрола. Наместо да биде дел од кризниот штаб и да се информира за состојбата, тој се обидува си прави партиски прошетки во Охрид за дневни ПР промоции на проекти од времето на СДСМ. Изгоре цел планина, а Мицкоски промовира проекти од времето на СДСМ, се вели во партиското соопштение на СДСМ..
„Задоцнетата реакција и слабата координација придонесоа да се касни со гасењето на пожарите. Се доцни со екипирање на домашните ресурси и со барање на дополнителна поддршка. Апсолутно ништо не е под контрола ниту добро изменаџирано во однос на пожарите во неготинско. Граѓаните тврдат дека речиси целата планина Серта е изгорена.
ВМРО-ДПМНЕ демонстрира исклучителна неспособност за владеење во првите недели од мандатот. Наместо реална работа и грижа, нив ги интересира само себепромоција и фрлање лопати. Веќе видено сценарио кое јасно потврдува дека во оваа партија ништо не се сменило“, вели СДСМ.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)