„Кога видов дека насилен куршум го погодува мојот сопруг Доналд, сфатив дека мојот живот и животот на Барон се на работ на катастрофална промена“, напиша на социјалната платформа Икс Меланија Трамп, сопругата на поранешниот американски претседател и кандидат за нов мандат кој преживеа обид за атентат на митинг во Пенсилванија, САД.
Неговата сопруга Меланија вели дека е „благодарна за храбрите агенти на Тајната служба и службениците за спроведување на законот, кои си ги ризикуваа животите“ за да го заштитат.
„На семејствата на невините жртви што сега страдаат поради овој грозоморен чин, понизно им изразувам најдлабоко сочувство. Вашата потреба да црпите внатрешна сила поради толку страшна причина ме растажува. Чудовиштето што го гледаше мојот сопруг како нечовечка политичка машина се обиде да ја задуши страста на Доналд – неговата смеа, неговата остроумност, неговата љубов кон музиката и неговата инспирација. Основните аспекти на животот на мојот сопруг – неговата човечка страна – тие беа закопани под политичката машина.“
„Доналд е великодушен и грижлив човек со кој ги поминав најдобрите и најлошите моменти. Не смееме да заборавиме дека различните мислења, политиката и политичките игри се инфериорни во однос на љубовта. Нашата лична, структурна и животна определба – до смртта – е сериозно загрозена“, напиша Меланија Трамп, сопругата на поранешниот американски претседател.
