Основачот на Мајкрософт, Бил Гејтс вели дека е „прилично уверен“ дека неговиот проект за развој на нова генерација нуклеарна енергија ќе продолжи без оглед на тоа како ќе изгледа политичката рамнотежа на силите во Вашингтон следната година, пренесува Иновативност.
Тој вели дека има поддршката за развојот на нуклеарната енергија во САД од двете страни на политичкиот спектар.
Kомпанијата на Гејтс TerraPower минатата недела во Кемерер во државата Вајоминг започна со изградба на нуклеарна централа која користи течен натриум за ладење, а не вода, што треба да го направи процесот на производство на електрична енергија поедноставен, побезбеден и поевтин, пишува CBS.
Во март, компанијата на Гејтс поднесе барање до Нуклеарната регулаторна комисија за градежна дозвола за напреден нуклеарен реактор кој користи натриум.
Сепак, добавувачите на ураниум во Обединетото Кралство и Јужна Африка, заедно со евентуалното снабдување од рудниците во САД и Канада ќе овозможат продолжување на проектот.
Проектот се очекува да чини до четири милијарди долари, од кои половина ќе бидат распределени од Министерството за енергетика на САД.
Реакторот од 345 мегавати на компанијата со полн капацитет може да произведе до 500 мегавати енергија, што е доволно за напојување на 400.000 американски домови.
