Доналд Трамп го предизвика актуелниот американски претседател да направи когнитивен тест, но во следната реченица го помеша името на сопствениот доктор. Републиканскиот претседателски кандидат редовно го критикува Бајден за неговите различни гафови.
Говорејќи во Детроит, Трамп ја доведе во прашање менталната острина на претседателот.
-Тој дури и не знае што значи зборот „инфлација“. Мислам дека треба да направи когнитивен тест како што направив јас, рекол Трамп, пренесува Скај Њуз.
Неколку секунди подоцна, тој продолжи: „Д-р Рони Џонсон. Дали сите го познаваат Рони Џонсон, конгресменот од Тексас? Тој беше лекар во Белата куќа и рече дека сум најздравиот претседател во историјата, па веднаш ми се допадна“.
Сепак, тој јасно мислеше на Рони Џексон, кој беше лекар во Белата куќа за време на дел од неговото претседателствување. Џексон беше избран во Конгресот во 2021 година и е еден од најгласните бранители на Трамп на Капитол Хил.
BREAKING: While Trump brags about “acing” a dementia test, he forgets the name of Ronny Jackson twice and calls him Ronny Johnson. pic.twitter.com/gZA76uu3Oj
— MeidasTouch (@MeidasTouch) June 15, 2024Во 2018 година, Трамп направи когнитивен тест на негово барање, изјави Џексон на новинарите тогаш. Испитот еосмислен да открие рани знаци на губење на меморијата и други благи когнитивни оштетувања. Трамп, кој во петокот наполни 78 години, се запраша дали Бајден, како 81-годишник, воопшто треба да се кандидира за втор мандат.
Бајден исто така му се потсмеваше со годините на Трамп.
„Честитки од еден до друг старец. Годините се само бројка“, напиша Бајден во саркастична објава, пренесува индекс.хр.
