Амбасадата на Италија во Скопје известува за можноста за добивање стипендии за македонски државјани од страна на Владата на Италија за академската 2024-2025 година.
Како што објави МОН на својата веб-страница, заинтересираните кандидати може да аплицираат за неколку категории студии во Италија: напредни курсеви во траење од три месеци за усовршување на јазикот за студенти по италијански јазик; втор степен универзитетски студии (двегодишни постдипломски); студии за високо образование во областа на ликовната уметност, филмска и драмска уметност, музичката уметност и танцот; докторски студии и истражувачки проекти.
Подетални информации за аплицирањето може да се најдат на веб-страницата на Амбасадата на Италија (www.ambasada.esteri.it), како и на порталот на Италијанската влада наменета за студирање во Италија и за стипендии (https://studyinitaly.esteri.it) од каде што може да се преземе апликацијата.
Таа треба да се пополни и електронски да се прати до 14 јуни 2024 во 14:00 часот.
Министерството за образование и наука известува и за повик за стипендии за изворедност на Владата на Обединетите Мексикански Држави за 2024 година.
-Конкурсот е за странци кои се заинтересирани да студираат во Мексико на магистерски и докторски студии, постдипломски истражувања, како и додипломски и постдипломски програми за студентска мобилност, наведува МОН во објавата.
Информации за повикот се достапни на интернет-страницата https://www.gob.mx/amexcid/acciones-y-programas/becas-para-extranjeros-29785 Рокот за аплицирање е до 28 јуни 2024.
Пријавите по овој повик се доставуваат електронски преку системот за управување со академската соработка SIGCA: https://sigca.sre.gob.mx/login.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)