„Struga Open 2024“ е насловен Меѓународниот џудо турнир што утре по деветти пат годинава ќе се одржи во организација на Џудо клубот „Дрим“.
Новина на овогодинашното издание, според Ѓорги Стојанов, дел од организацискиот тим, е интерконтиненталниот карактер, со учество на натпреварувачи од Африка и Азија.
-На настанот ќе учествуваат околу 600 џудисти од цела Европа, а пријавени се и џудо клубови од Азија и Африка. Се е подготвено за и оваа година да приредиме еден вистински празник за сите љубители на џудо спортот, кои борбите ќе можат да ги следат бесплатно во спортскиот центар „Билјанини извори“ во Охрид, изјави Стојанов.
Борбите, додаде тој, ќе може да се следат и во живо преку youtube каналот на Џудо федерацијата на Македонија.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)