Грчката полиција трага по исчезнат новинар. Станува збор за Мајкл Мосли (67), британски новинар популарен по емисијата „Верувај, ми, јас сум доктор“ (Trust Me I’m a Doctor) која се емитува на Би-би-си, исчезнал на грчкиот остров Сими кадешто бил на одмор со сопругата и пријатели.
Медиумите во Грција пишуваа дека новинарот исчезнал пред два дена, но се чекало 24 часа за да се пријави случајот.
Веднаш откако било пријавено дека 67-годишниот новинар не се вратил во хотелот каде што престојувал, започнала и потрагата на полицијата со дрон и хеликоптери, како и волонтери од островот.
Според грчките медиуми Мосли со сопругата и во друштво на уште еднa двојка со чамец заминале на плажа, по што новинарот одлучил да се врати сам, пеш, во време кога на островот било жешко, а температурата била 40 степени Целзиусови.
