„World Central Kitchen“ (WCK) денеска објави дека ја прекинува работата во Газа по нападот во кој загинаа седум нејзини работници.
-Светската централна кујна веднаш ги суспендира своите операции во регионот. Наскоро ќе донесеме одлуки за нашата идна работа, изјави извршната директорка, Ерин Гор за „Тајмс оф Израел“.
WCK претходно соопшти дека седум нејзини работници биле убиени во напад врз нивното возило во центарот на Газа доцна синоќа, откако помогнале да се достави храна и други залихи во северна Газа, кои пристигнале неколку часа претходно.
These are the World Central Kitchen staff members that the israeli regime murdered today: the friendly faces of the food aid campaign https://t.co/oDy4cB5rem
— Sarah Wilkinson (@swilkinsonbc) April 1, 2024Белата куќа синоќа соопшти дека е „скршена од болка“ поради смртта во Појасот Газа на неколку припадници на американската хуманитарна организација World Central Kitchen (WCK), кои според хуманитарците, биле убиени во израелски напад.
„Ние сме скршени од болка и длабоко вознемирени од нападот кој ги уби хуманитарните работници на @WCKitchen во Газа“, напиша портпаролката на Советот за национална безбедност на Белата куќа, Адриен Вотсон, на социјалната мрежа Икс.
„Работниците на хуманитарната помош мора да бидат заштитени бидејќи испорачуваат помош што е очајно потребна, а ние го повикуваме Израел брзо да истражи што се случило“, побара Белата куќа.
Британски волонтер е меѓу седумте хуманитарни работници убиени во воздушен напад во Газа. Убиени се и државјани на Полска и Австралија, како и двајца државјани на САД и Канада – и еден Палестинец кој го управувал автомобилот во кој сите патувале, пренесуваат медиумите.
