Купувањето јајца изгледа како едноставна работа. Сепак, постојат разлики во квалитетот, разновидноста и бојата.
Кога станува збор за белите и кафените јајца, се поставува прашањето која е суштинската разлика?
Бојата на лушпата на јајцето зависи од расата на кокошката што го снесува јајцето, а не од исхраната, околината или други фактори.
Имајте на ум дека и белите и кафените јајца се природни, како и другите нијанси на сива боја. Нема апсолутно никаква разлика во вкусот или квалитетот на јајцето врз основа на бојата на лушпата. Разликата е во гените.
“Бели јајца снесуваат кокошки со бели пердуви, додека жолти јајца кокошки со шарени и црвени пердуви. Исто така, постои еден вид американска кокошка која снесува јајца со сина лушпа”, објаснуваат експерти од Универзитетот Корнел во САД. .
Еден од одгледувачите Владимир Петровиќ вели дека бојата на лушпата зависи од видот на пилешкото.
“Белите јајца имаат помалку холестерол, послатки се, а белките подобро изматени. Поретки се, но и побарани. Затоа бојата на лушпата нема никаква врска со исхраната на кокошките, туку попрво бојата на жолчката. Кога кокошката јаде компоненти кои имаат повеќе црвен пигмент жолчката е жолта.Но и помалку жолтата е со одличен квалитет.Кокошките ги храниме со природна храна, јачмен, соја, житарки, исто така додаваме и витамини“, објасни Петровиќ.
Од друга страна, нутриционистката Милка Раичевиќ смета дека јајцата без разлика на бојата на лушпата се здрави и треба да се јадат неколку пати неделно. Експертите сугерираат дека јадењето јајца може да игра витална улога во спречувањето на кардиоваскуларни болести. Истражувањето објавено во списанието „Нутриенти“ покажало дека јадењето помеѓу една и три јајца неделно „изгледа штити“ од болеста, пренесуваат српските медиуми.
