Бела Хадид, една од најпознатите светски манекенки од 14-годишна возраст се бори со Лајмската болест, која ја имаат и нејзината мајка Јоланда и нејзиниот брат Анвар.
Таа со своите следбеници на социјалната мрежа Инстаграм сподели некои од најтешките моменти кои ги преживеала додека со години се борела со оваа хронична болест, пренесува република.рс.
Бела објави неколку фотографии на кои е закачена на инфузијата и каде е истрошена, изнемоштена и без шминка.
Како што открила, таа е горда на себе бидејќи и покрај континуираниот замор, проблеми со меморијата, вниманието, спиењето и депресијата, успеала да изгради глобална кариера.
-Малата јас што толку многу страда ќе се гордееше со возрасната јас, бидејќи никогаш не се откажав од себе – започна Бела на социјалните мрежи.
Благодарна сум на мајка ми која ми ги чуваше сите медицински досиеја, беше тука за мене, никогаш не ме остави, ме штитеше, ме поддржуваше и пред се веруваше во мене додека го поминував сето ова.
-Состојбата ми се влошуваше со текот на времето додека работев напорно, обидувајќи се да се направам горда себеси, моето семејство и луѓето кои ме поддржуваат. Го зеде данокот на начини на кои не можам да објаснам. Да се биде толку тажен и болен и да имаш толку многу благослови и привилегии околу себе е веројатно најзбунувачката работа досега. Она што сакам да ви го кажам на сите е дека јас сум добро и не треба да се грижите и јас не би менувала ништо. Кога би морала повторно да го поминам сето ова, да стигнам овде, до овој момент во кој сум во моментов, со сите вас, би го направила сето тоа одново. Тоа ме направи она што сум денес – додаде таа.
-Имам многу благодарност за животот и гледам толку многу перспектива, па сето ова – хронична болест, третмани, скоро 15 години невидливо страдање, вредеше сето тоа, ако можам, дај Боже, да живеам цел живот на ширење. љубов и да бидам она што навистина сум, за прв пат досега – истакна Бела.
Во една прилика, таа откри долга листа на симптоми кои ја мачат, велејќи дека секој ден се соочува со низа непријатности – срцева аритмија, промени во расположението, болки во зглобовите, потење, гадење, несоница, главоболки, анксиозност и збунетост.
-Ова го трпиме секој ден. Без лекови. Секој ден би почувствувала десетина од овие симптоми и тоа од 14-годишна возраст. Сè стана уште потешко кога наполнив 18 години. Толку многу влијаеше на мојата меморија што одеднаш веќе не знаев како да стигнам од Малибу до Санта Моника каде што живеев. Не можев ни да се возам. Бев многу болна – изјавила тогаш таа.
Лајмската болест е бактериска инфекција која се шири со каснување на заразен крлеж. Обично, луѓето кои се заразуваат од инфекцијата развиваат црвен осип на кожата во рок од една недела или до еден месец подоцна. Но, друга група на луѓе може воопшто да не го забележат осипот или да го помешаат со каснување од пајак.
