Првото основно јавно обвинителство во Белград денеска до Првиот основен суд во Белград поднесе обвинителен акт против актерката Мирјана Карановиќ поради нанесување тешки телесни повреди на нејзината сосетка С.С.(82).
Курир.рс денеска ја контактирал актерката за овој настан, но таа не сакала ништо да коментира.
За актерката Обвинителството предложило казна затвор од осум месеци за стореното дело.
-М.К. се сомнева дека на 27.10.2022 година, на штета на С.С. сторила кривично дело тешка телесна повреда – било потврдено во соопштението на Првото основно јавно обвинителство Белград.
Мирјана, пак, минатата година за Курир детално објаснила што всушност се случило.
-Целиот инцидент, така да се каже, се случи кога соседкатана мајка ми дојде на врата и побара да ја испратам мајка ми во дом за стари лица. Не ѝ беше гајле дали мајка ми сака да оди таму или не, таа едноставно го бараше тоа. Нејззиниот син цело време беше до неа и ја смируваше велејќи дека треба да одат. Реков дека нема што да разговарам со нив. Не разбирам зошто дојдоа кај мене и ме обвинија дека не се грижам за мајка ми, кога тоа не е вистина. Не знам што има во главата на таа жена и на луѓето воопшто – рекла актерката видно вознемирена, а потоа продолжила:
-За мајка ми се грижат две жени кои доаѓаат пред и попладне, доаѓаат секој ден, бидејќи не можам да стасам. Жената почна да кажува дека мајка ми е луда, дека ќе ги запали сите. Мајка ми пред неколку дена заборави да го исклучи шпоретот, а во зградата се почувствува чад, но од тогаш мајка ми не го вклучи шпоретот. И кажав на таа жена, но таа не ме послуша.
По кратка дискусија помеѓу С.С и актерката, старицата и ја фатила за ракав, што ја одвело дискусијата на соседката во сосема друга насока.
-Таа не се откажа и продолжи да вика дека мајка ми е луда и ме влече за кошулата, иако нејзиниот син постојано и велеше да се смири. Сè што се случи беше навистина несреќен сплет на околности. Сакав само да ја помрдне раката со која ме држеше и во тој момент таа се сопна и падна. Не го направив тоа намерно, ја кренав и со синот чекав брзата помош да ја однесе – објасни тогаш актерката и додаде:
-Двајцата цело време бевме вознемирени, нејзиниот син се обидуваше да ја смири ситуацијата и да спречи понатамошни дискусии, но потоа се случи она што се случи. Таа едноставно не се откажа и не знам што да кажам. Жал ми е за состојбата во која се наоѓа, искрено се надевам дека ќе биде добро.
За потсетување, Мирјана беше обвинета дека на предметниот ден во дворот на станбената зграда тешко ја повредила жртвата С.С., на тој начин што по кратка вербална расправија со десната рака ја фатила за пределот на градите и ја потресла. движејќи и ја раката, а потоа ја оттурнала, при што оштетената паднала на бетонски под и како последица на падот оштетената се здобила со тешка повреда во вид на скршеница на левата бутна коска.
