Судот во Холандија во петокот му забранил на маж, кој е татко на повеќе од 550 деца да продолжи да донира сперма.
Судот во Хаг нареди овој човек да биде казнет по десет илјади евра по случај доколку ја прекрши таа одлука, пренесува курир.рс.
Судскиот процес против 41-годишниот Холанѓанец се водел по барање на жена која добила дете со неговата сперма и една организација.
Својата сперма ја донирал на клиниките за плодност, банките за сперма и безброј парови преку онлајн форуми. Најмалку 550 жени биле оплодени со неговата сперма.
Неговиот адвокат рече дека сака само да им помогне на паровите кои инаку не би можеле да зачнат. Но, судот пресуди дека тој намерно ги дезинформирал родителите за бројот на неговите донации и за децата на кои е биолошки татко.
Донорите на сперма во Холандија смеат да имаат најмногу 25 во 12 семејства. Целта на оваа мерка е да се спречи инцест.
Осудениот можел да го заобиколи тоа правило бидејќи не постои централна база на податоци за донатори на сперма. Не е познато колку деца се зачнати со неговата сперма во странство.
Сега веќе не смее да се рекламира на Интернет и мора да открие на кои клиники и банки донирал сперма. Тие залихи мора да се уништат, одлучи судот.
