Четиригодишно девојче починало од задушување додека си играло во гумен замок Трагедијата се случила во забавен парк во градот Миколаив, на југот на Украина, минатиот викенд.
Девојчето, по име Валерија, било пронајдено заплеткано во јажињата на структурата на замокот, откако нејзината мајка Ана побарала од вработените во забавниот парк да проверат што се случува бидејќи таа веќе некое време не ја слушнала смеата на нејзината ќерка.
„Ана (мајката на девојчето) прво помислила дека Валерија ја изгубила свеста додека си играла на жештината и се обидела да ја разбуди“, вели Наталија Кучинска, блиска пријателка на семејството.
Веднаш била повикана брза помош, додека другите посетители на паркот го испрскале детето со вода, правејќи реанимација од уста до уста и масажа на градите, пишува Дејли мејл, а пренесува курир.рс
„На местото на настанот немаше медицински работници да укажат прва помош. Некој донел стоматолози од блиската клиника“, вели пријател.
„Го прегледаа детето, се обидоа да го разбудат со амонијак и ѝ светеа во очите. Меѓутоа, кога пристигнала брзата помош, болничарите констатирале смрт на детето“.
Ана и Валерија сакале да си одат дома кога девојчето ја замолило мајка си да игра уште три минути. Жената се согласила и ја чекала својата ќерка во родителскиот дел, но каде што не можела да го види детето, се вели во извештаите.
Полицијата откри дека кога се случила трагедијата, тројцата вработени кои требало да го чуваат детето биле „зафатени“ со своите смартфони.
Помошниците избегале од местото откако била пронајдена Валерија“, вели пријателката на Кучинска.
Погребот на девојчето се одржа во средата.
„Мајката е уништена од загубата на своето дете. Самиот ден на погребот беше многу тежок. Тој помина „на апчиња“, рече семеен пријател.
Сергиј Шајхет, шеф на полицијата за областа Николаев, рече:
„Прелиминарно е утврдено дека четиригодишно девојче се заплеткало во петелките на ѕидот на замокот додека си играло на него. Според првите сознанија на вештакот, детето починало од задушување“.
Сопственикот (45) на замокот бил приведен во полиција. Доколку биде прогласен за виновен, му се заканува казна затвор до осум години. Истрагата е во тек.
