Климатските промени повеќе отколку војните притискаат повеќе луѓе да се преселат во Европската унија, додека граничната агенција на ЕУ – Фронтекс предупреди дека тоа може да резултира со рекорден број поединци кои нелегално влегуваат во блокот.
Фронтекс документирал 330.000 нерегуларни влезови низ сите рути минатата година, што е најголем број од 2016 година, и како резултат на тоа, реториката против имиграцијата се интензивира во земјите на ЕУ, вклучувајќи ги Данска, Холандија и Австрија.
Пристигнувањето на најмалку 1 милион бегалци во Европа во 2015 година, од кои мнозинството бегаа од сириската војна, ја поттикна ЕУ да ги зајакне регулативите за азил и да ги обезбеди своите надворешни граници.
Досега оваа година, како што објави Фронтекс, бројот на луѓе кои се обидуваат да стигнат до европските брегови од Северна Африка преку рутите кои се упатуваат кон Италија е зголемен за 292% помеѓу јануари и април во споредба со истиот период во 2022 година, достигнувајќи 42.200.
