Две нови државни награди предлага Владата, со кои би се надополни Законот за државни награди. Измените на законот, со наградите кои ќе ги носат имињата на Блаже Конески и Ремзи Несими ќе бидат доставени до пратениците за усвојување.
На иницијатива од Советот за македонски јазик, како што соопштил предлагачот – Министерството за култура, се предлага да се востанови нова државна награда што ќе го носи името на Блаже Конески, основач на современата македонска наука за јазикот, лингвист, литературен и културен историчар, поет, прозаист и преведувач.
Владината прес-служба информира дека со оваа награда ќе се оддава признание за високи стручни и научни достигнувања од областа на македонскиот јазик во земјава и во странство.
По иницијатива на Институтот за духовно и културно наследство на Албанците, пак, како што соопштило Министерството за култура, се предлага да се востанови уште една нова државна награда – за оддавање признание за високи стручни и научни достигнувања од областа на албанскиот јазик и албанологијата во земјава.
-Се предлага да го носи името на Ремзи Несими – лингвист, просветен работник и учесник на Конгресот за правописот на албанскиот јазик во 1972 година, наведува прес-службата на Владата.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)