Врската на долгогодишните деловни соработници и блиски пријатели Саша Поповиќ и Вика Миљковиќ наводно е сериозно нарушена, а нејзината иднина е доведена во прашање, пишува курир.рс.
Како што пренесуваат медиумите од извор близок до поранешниот шеф на Гранд продукција, пејачката му забила нож во грб бидејќи го исфрлила од бизнисот во кој требало заедно да влезат.
-Виолета и нејзиниот сопруг Драган Ташковиќ Ташке купиле парцела од 3.000 метри квадратни во строгиот центар на Земун. Таму ќе изгради луксузен станбен простор, а ќе има и кафеана – изјавил добро упатен извор за курир.рс и додал дека сето тоа немало да биде проблем доколку та не го исфрлела од бизнис Саша Поповиќ, бидејќи требало заедно да го работат.
-Колку што знам, Вики и Саша разговарале долго време. Освен што ја ангажирал да ги декорира и опреми зградите што ги градел на Бежаниска коса, сакал да ја вклучи и во самата градба, па предложил партнерска врска. Она што е шокантно е што таа се согласила на тоа, а потоа решила да го шутне и да му ускрати „парче од колачот“ – тврди изворот.
Како што рекол изворот, Виолета и Ташке за плацот што го купиле платиле цело богатство и тоа во готово!
-Кога го видоа проектот на Миљковиќ, банките се натпреваруваа со понуди за заеми, но фолкерката одбила и рекла дека има пари да направи се сама – објаснил изворот.
Виолета Вики Миљковиќ во последните години помалку настапува бидејќи целосно се посвети на бизнисот со недвижнини. Дали микрофонот дефинитивно ќе го закачи на клин, ќе видиме во наредниот период.
-Бизнисот со недвижности ни тргна фантастично. Отворивме и компанија во Истанбул, каде што имаме канцеларија за дизајн. Имаме многу вработени таму, има архитекти и други стручњаци кои се занимаваат со уредување. Имаме и луѓе кои продаваат недвижен имот во Анталија, Аланија и Бодрум. Продаваме недвижен имот во Дубаи и во ексклузивни делови од нашиот главен град – изјавила во една прилика пејачката сакајќи да објасни од каде има толку пари.
