Напаѓајќи го феминизмот, митрополитот Преспанско-пелагониски, Владиката Петар во своето Велигденско послание порача дека родовата еднаквост е изопачена и отровна идеологија.
Според него, пред да се појави феминизмот како движење, жените биле домаќинки, а сега се еманципирани, но се сè почесто разведени.
Владиката велидека покрај правата за кои се борат жените, имаат и должност да бидат етични и морални.
„Во минатите векови, до феминизмост и еманципацијата на жената, таа била сопруга, мајка, домаќинка, а денес таа е високоеманципирана со забележителни позиции во општеството, но често и разведена и самохрана мајка. Кога некој бара повеќе или поголеми права, треба да е свесен, подготвен и способен да извршува повеќе должности“ порачува владиката Петар во своето обраќање.
Тој посочува дека остварувањето на права без должности, го расипува и изопачува светот.
„На нашето општество молскавично му сe заканува уште поопасна, попогубна и поотровна идеологија – родовата еднаквост! Оваа идеологија, односно манипулативна терминологија е богохулна, противприродна, изопачена, Господ ги создаде машко и женско и се друго изменето, поинакво и поразлично од божјото создание е ненормално, а со тоа и неприфатливо“, вели митрополитот Преспанско-пелагониски.
Петар додава и дека често се случува феминистичките здруженија барајќи права да го вперат прстот во Црквата.
