Вонбрачните синови на починатиот пејач Предраг Живковиќ Тозовац се борат со неговата вдовица Емилија Мима Живковиќ за поделба на имотот, пишува Курир.рс, а како што сега дознаваат најголемиот хаос предизвикала поделбата на половина милион евра!
При проверката било констатирано дека легендарниот пејач, на кој ќе му се одбележи две години од смртта, на своите банкарски сметки имал значителна сума пари, која ја зачувал во текот на животот.
Наводно, постапката завршила со решение Емилија да ја добие куќата на Вождовац, еден стан на синот Светозар и стан на синот од Америка, кој наводно бргу го продал, пишува Курир.
Дополнително, биле поделени и парите, а вредните уметнички слики и биле оставени на вдовицата на пејачот бидејќи тврдела дека сликите се нејзини.
„Имам два вонбрачни синови, но тоа е моја приватна работа. Нека се живи и здрави, но моите синови се создадени случајно. Еден живее во Америка и веќе го има синот Марко“, изјавил пејачот за локалните медиуми пред девет години.
-Мима беше против неговите синови да добијат што било, а најголемиот хаос настана кога беше објавено дека мора да ја подели со нив заштедата на Тозовац. Се борела да им го одземе правото на становите што им припаѓале, но одлуката за пари најмногу ја изнервирала. Мислела дека тие воопшто немаат право на тие пари бидејќи со татко им живеела 40 години, во кои тие заедно штеделе. Инаку, ги добила парите кои биле во куќата, а сумата не е позната бидејќи никако не можела да се утврди. Неа и останале вредни уметнички слики, за кои тврдела дека се нејзини. Предмет на судот беше само сумата на пари што се наоѓа на сметките и чиј износ може да се утврди – вели извор запознаен со овој случај.
Како што понатаму се наведува, Емилија освен што добила куќа во Вождовац и одредена сума пари од постоечките половина милион евра, и е обезбедена до крајот на животот затоа што е наследничка на авторските права и правата за изведба на Тозовец, кои е регулирано со договорот за доживотно издржување.
-Сите тантиеми одат за вдовицата на Тозовец, како и парите од продажбата на правата за користење на ликот и делото. Секој што сака да преработи песна од Предраг Живковиќ или да сними кавер, како и да ја искористи неговата музика за филм, серија или реклама, мора да побара дозвола од неа и да и плати. Синовите немаат врска – заклучува изворот ка Курир.рс.
За вонбрачните синови на покојниот пејач не се знае речиси ништо, бидејќи ги спомнал само еднаш во јавноста. Некои велеа дека немал контакт со помалиот син, кој има 38 години, на инсистирање на Мими, бидејќи Тозовац наводно ја изневерувал со мајката на Светозар. Ова никогаш не е потврдено. Други тврдеа дека самиот Живковиќ престанал да комуницира со него затоа што наводно го лажел дека дипломирал.
Мими инсистирала да не се дели имотот на Тозовец бидејќи неговите синови не се грижеле за него додека тој беше жив. Наводно на суд тврдела дека наследникот од Америка не се појавил, додека Светозар го омаловажувал и понижувал.
