Пејачката Данијела Мартиновиќ е среќна и вљубена во криминалниот инспектор Јосип Плавиќ, откако пред две години ја прекина врската со музичарот Петар Граш.
На почетокот на месецот регионалните медиуми пишуваа за радосната вест и открија дека пејачката го нашла своето мирно засолниште.
Нејзината блиска пријателка за Слободна Далмација открила дека Данијела е многу среќна, заљубена од глава до пети и дека заслужува покрај себе да има маж кој ја сака и почитува.
А кој е среќникот што го освои срцето на Даниел?
Станува збор за Јосип Плавиќ (49), криминален инспектор од Загреб, кој исто така како хоби свири гитара, пее и пишува текстови за рок групата „Изван закона“.
Пејачката ги потврди сите гласини за врската и изјави дека се започнало пред една година.
-Првата средба се случи пред околу една година, кога адвокат во мое име поднесе пријава за кражба на идентитет. Случајот брзо беше решен, а потоа нашата приказна почна да се развива. Се започна со еден непланиран телефонски повик, кој очигледно мораше да се случи – изјави таа за хрватска Глорија.
Како што признала, запознавајќи го со текот на времето, сфатила дека таа и Јосип имаат исти вредности и погледи на светот и животот и дека кога необични околности ќе спојат двајца апсолутни странци, се создава вистинско филмско сценарио.
Набргу откако потврди дека има ново момче, хрватска Глорија објави заеднички фотографии од Данијела и нејзиниот избраник
Среќни и прегрнати, Данијела и Јосип изгледаа хармонично и не можеа да ја тргнат насмевката од нивните лица, што потврди дека пејачката конечно го нашла своето мирно пристаниште и среќата во љубовта, пренесува Глоси еспресо.
